“Kjo na gëzon”/ Merret vendimi shumë me rëndësi, do të bëjë testin e koronavirusit çdokush që…

Presidenti i rajonit të Lombardisë, Attilio Fontana ka sqaruar se ka pasur një shtim të numrit të testeve krahasuar me ditët e shkuara dhe se do bëjë testin e koronavirusit çdokush që ka qoftë edhe një simptomë .

“Kjo na gëzon”, u shpreh Presidenti, duke shtuar, se ky është njëkohësisht demonstrimi i faktit që duhet të bëhen mesatarisht 5 ditë për të pasur një tablo më të qartë, dhe tabloja jonë na konfirmon se numrat po konsolidohen. Zyrtari i lartë këmbënguli sërish tek distancimi social si mënyra më e mirë për ta parandaluar përhapjen.

“Edhe pse gjatë ditëve në vazhdim mund ta shohim këtë rënie, nuk duhet ta ulim vigjilencën, por të vazhdojmë përpjekjet tona për ta frenuar këtë gjë. Wuhani është prova e faktit që sakrificat sjellin rezultate dhe infektimi mund të bllokohet”, shtoi ai.

Megjithatë, Instituti Kombëtar për Shëndetësi në këtë shtet, thotë se piku nuk është mbërritur dhe nuk është kaluar ende. Kreu i tij, Silvio Brusaferro, sqaroi sidoqoftë se ka thënë se ka shenja “të uljes” së numrit të të prekurve, duke sugjeruar se piku nuk mund të jetë larg, e pas tij, shifrat sërish do të fillojnë të ulen.