Një ngjarje aspak e zakontë ka ndodhur në Belgjikë brenda në një tren.
Në kohën që bota po zien nga paniku për koronavirusin, një djalë i ri ka bërë një veprim të papërshtatshëm.
Ai ka rënë në prangat e policisë menjëherë pasi u incizua duke hequr maskën, e më pas duke lëpirë dorën dhe duke e fërkuar atë në njërën nga mbajtëset e trenit.
Më pas autoritetet u detyruan që të largojnë trenin nga shërbimi që mjeti të dezinfektohet.
Personi, i cili nuk është identifikuar ende, mund të jetë i infektuar me koronavirus, shihet duke e larguar maskën dhe më pas duke lëpirë dorën.
Në fund ai fërkon mbajtësen e trenit me dorën e lagur.
Duket që veprimi është i qëllimshëm dhe dashakeq.
Kompania përgjegjëse për transportin lokal tha: “Personi është arrestuar nga policia dhe nga shërbimi i sigurimit. Treni është larguar nga shërbimi dhe është dezinfektuar.”
Deri më tani në Belgjikë numri i të infektuarve është mbi 250, kurse të mërkurën u shënua viktima e parë.
Ma soeur m’envoie ça, je la laisse rentrer à la maison ou pas ? pic.twitter.com/sNsHgX6Y64
— Hisoka ? (@Mous_taffe) March 9, 2020
