LIGJET E BIZNESIT
Deputeti i opozitës së re, Kujtim Gjuzi ka mohuar dhunën e ushtruar ndaj bashkëshortes së tij dhe djalit, duke thënë se nuk ka ushtruar kurrë dhunë dhe nuk kërkon kurrë falje për një gjë që nuk e ka bërë.
I ftuar në emisionin “Shqipëria Live”, Gjuzi pohoi se në 17 vite të jetës së tij me bashkëshorten i ka dhuruar vetëm trëndafila një herë në muaj dhe jo më pak se 17 copë.
Më tej shton se nuk do kërkojë kurrë falje për diçka që se ka kryer dhe ia hodhi fajin kunatave për situatën e krijuar në familjen e tij.
Kujtim Gjuzi: “Në 17 vite të jetesës sime me bashkëshorten nuk ka asnjë rast, përveçse dhuruar trëndafila një herë në muaj dhe jo pak 17 copë dhe nuk ka asnjë rast, përveç intonacionit tim. Nëse dikush nga motrat, kunatat se me qenë i thonë kuditat, vjen, tenton të ndërhyjë deri në shkatërrimin e familjes sime apo të firmës, unë aty jam drastik për të mbrojtur familjen time. Nuk kam ushtruar kurrë dhunë dhe nuk kërkoj kurrë falje për një gjë që nuk e kam bërë, nuk e bëj dhe nuk e lejoj bashkëshorten time të më thotë mua më fal sepse nuk ka shans që ta fal nëse ke kaluar rrethin e unazës. Nuk kam ushtruar dhunë në mënyrë absolute ndaj djalit dhe gruas sime.”
Më tej vijon duke thënë se nuk asnjë provë për dhunën e pretenduar nga bashkëshortja e tij gjithsesi nuk ka ndërmend të hapë rrugë kollaj pasi është tironc dhe tironcit nuk hapin rrugë kollaj, qoftë edhe për një mur.
Kujtim Gjuzi: “Ka një vendim për urdhër mbrojtje, posi. Divorci ka kohën e vet, detyrimet e veta. Për të ushtruar presion më të madh mbi mua më dërgojnë pa prova, ka zero prova. Duhet të qëndroj 200 metra larg bashkëshortes dhe djalit. Djali në këto momente është nën ndikimin nënës. E falënderoj nënën e tij, e ka mbajtur 9 muaj në bark patjetër. Le ta ketë ndikimin. Është në moshë të mitur, 16 vjeç. Në atë moshë kam marrë vendim më të fortë se ai. Por djali im është gjysmë shkodran, do të thotë gjysmë aristokrat. Ju e dini se çfarë kam thënë unë për tironsit, nuk hapin rrugë kollaj, qoftë edhe për një mur.”
