Humb jetën 35 vjeçari shqiptar në Greqi/ Arrestohet pronari i tij

Një shqiptar 35 vjeçar ka humbur jetën ndërkohë që punonte si emigrant në Greqi.

Mësohet se ngjarja ka ndodhur në Pllaka Naksou ku i riu ka gjetur vdekjen gjatë një aksidenti në punë. Ai po punonte për hapjen e një grope nëntokësore për të vendosur një depozitë, ndërkohë që është shembur dheu duke i marrë jetën.

Pavarësisht ndihmës së shpejtë mjekësorë 35 vjeçari nuk arriti të qëndronte në jetë.

Pronari i shqiptarit është arrestuar ndërsa policia po punon për zbardhjen e plotë të ngjarjes.