Hapja e negociatave me BE, ambasadorja Kim e gëzuar për Shqipërinë: Urime!

Pas vendimit të ministrave të vendeve të BE për ti thënë OK Shqipërisë për hapjen e negociatave, ka ardhur dhe reagimi i ambasadores së SHBA në Tiranë Yuri Kim.

Ajo është shprehur me nota optimiste se ky vendim i marrë më në fund shpërblen punën e bërë të Shqipërisë.

“Vendimi i Bashkimit Europian për të hapur bisedimet e pranimit me Shqipërinë pasqyron punën e palodhur nga qeveria shqiptare dhe qytetarët. SHBA do të vazhdojë të mbështesë fuqimisht reformat dhe hapat e tjerë të nevojshëm për të arritur anëtarësimin. Urime dhe suksese!,”-shkruan Kim.