Ditën e sotme është hapur dhe spitali i dytë për COVID19, i cili do të jetë Sanatoriumi ose sic njihet ndryshe me emrin “Shefqet Ndroqi”.
Ndërkohë mësohet se sot është pritur pacientja e parë, që i është nënshtruar dhe një ndërhyrje kirurgjikale dhe ndodhet në gjendje të mirë pasi operacioni vajti me sukses.
Sipas informacioneve pacientët që ndodheshin më parë këtu janë zhvendosur në spitalin e Elbasanit.
Lajmin e ka bërë të ditur ministrja e Shëndetësisë Ogerta Manastirliu.
“Kemi hapur edhe spitalin Covid 2, spitalin “Shefqet Ndroqi” i cili ka pritur pacientin e parë. Një rast suksesi i ekipit të kirurgjisë së këtij spitali, me mjekët kirurgë, anestezistë, infermierët dhe i gjithë stafi që kanë kryer me sukses ndërhyrjen kirurgjikale tek një e re e prekur nga COVID-19. Ne do të vazhdojmë t’ju shërbejmë me përkushtimin dhe sakrificën e mjekëve, infermierëve, epidemiologëve tanë të mrekullueshëm. Ne do të vazhdojmë t’ju mbajmë të informuar me korrektësi dhe transparencë maksimale çdo ditë, çdo orë, për çdo zhvillim. Ndërsa JU, ju do të vazhdoni të zbatoni rigorozisht masat e higjenës dhe të distancimit social, si i vetmi mjet për të ndërmuar njëri-tjetrin në kët betejë të përbashkët”, deklaroi Manastirliu.
