LIGJET E BIZNESIT
Janë pezulluar të gjitha aktivitetet futbollistike në Shqipëri.
Ky vendim është marrë nga Komiteti Ekzekutiv i Federatës së Futbollit, në kuadër të parandalimit të përhapjes së koronavirusit në vendin tonë.
Bëhet me dije se përsa i përket pjesëmarrjes së Shqipërisë në aktivitetet ndërkombëtare, pritet vendimi i UEFA-s.
“Komiteti Ekzekutiv i Federatës së Futbollit ka ndjekur nga afër dhe me prioritet ecurinë e situatës në vendin tonë pas rasteve të shfaqura me COVID-19.
Nisur nga përshkallëzimi i kësaj situate dhe duke ndjerë përgjegjësi maksimale për të gjithë personat e përfshirë në jetën futbollistike në vend si dhe pas propozimit te Komitetit të Emergjencave në FSHF, Komiteti Ekzekutiv vendosi pezullimin e të gjitha aktiviteteve futbollistike.
Ky vendim hyn në fuqi menjëherë deri në një komunikim tjetër të Federatës së Futbollit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Lidhur me të gjitha aktivitetet ndërkombëtare futbollistike, ku edhe Shqipëria është pjesëmarrëse, ditën e martë në orën 13:00 UEFA do të organizojë një video-konferencë me të 55 federatat anëtare për të marrë vendimin lidhur me ecurinë e të gjitha aktiviteteve futbollistike evropiane”, thuhet në njoftimin zyrtar.
