LIGJET E BIZNESIT
Tashmë nuk është hera e parë që në foltoren e Kuvendit, lëshohen ‘perla’ nga deputetët.
Madje të gjithë do habiteshim sikur të ndodhte e kundërta.
Por nga ana tjetër, sa më shumë i dëgjon, aq më argëtuese bëhen këto batuta, apo shprehje të dala pa u menduar.
Kështu, së fundmi ka qenë deputeti i opozitës së re, Kostaq Papa, i cili në seancën e ditës së djeshme ka provuar që të japë një mesazh të fortë për gratë në lidhje me 8 marsin.
Por nuk e ka arritur aspak këtë gjë, përkundrazi është bërë qesharak me atë që ka tentuar të thotë.
Papa ka thënë se kur ishte i ri, me kaçurrela dhe kishte para, femrat që ka patur në jetë kanë pirë vetëm uiski dhe pije të mira dhe jo ujë.
“Të gjithë duhet të jemi xhentëlmen me që kanë ndodhur disa gjëra lidhur me femrat, periudhën e kaluar. Femrave duhet ti kërkojmë ndjesë edhe kur kemi të drejtë.
Respekti im është, unë di të kërkoj ndjesë për këdo dhe aq më tepër për femrat sepse në rininë time, të gjitha femrat që më janë afruar mua, kur kisha edhe kaçurrelat, por kur kisha edhe paratë, kanë pirë më shumë uiski, apo pije të mira sesa ujë”, u shpreh Kostaq Papa.
