LIGJET E BIZNESIT
Mjeku Pëllumb Pipero i ftuar në rubrikën ‘’Opinion’’ të News24 i është përgjigjur pyetjeve të qytetarëve duke dhënë sqarimet për trajtimet e koronavirusit, simptomat apo trendet e rreme.
Temperatura 36.5- 27.5 nuk tregon asnjë për koronavirusin thotë Pipero teksa vetë si mjek ai rekomandin medikamente që mpërmbajnë paracetamol.
Sa i përket fëmijëve Pipero siguron se veç atyre që kanë diabet të gjithë të tjerët pavarësisht situatave shëndetësore e kalojnë lehtë, pa simptoma ose me disa prej tyre.
Po ashtu Pipero paralajmëron se duhanpirësit janë shumë të rrezikuar teksa sa i përket tamponimit dhe debatit të hapur për këtë çështje ai ka qëndrimin se nuk duhet testuar popullata masivisht.
Më tej Pipero thotë se kurba e koronavirusit në Shqipëri do të ngrihet në javën e 3-4 por një përgjigje nga autoritetet shëndetësore pritet në fund të javës së tretë.
”Nuk ka rrezik të shtuar nga COVID-19. Nëse e do djalin mos e nxjerrë jashtë dhe familjarët mos ja sjellin virusin. Fëmijët pavarësisht situatave shëndetësore përveç diabetit, e kalojnë pa simptoma ose me simptoma të lehtë.
Deri në 37.5 temperatura nuk është shenjë e koronavirusit. 36.5- 37.5 është temperaturë normale. I kemi dhe gripet stinore. Nuk janë temperatura as të koronavirusit as të gripit stinor.
Të qëndrojnë në shtëpi dhe të ushqehen shëndetshëm. Duhet parë pas pandemisë. Duhanpirësit janë shumë herë më të rrëzikuar. 76% e meshkujve në Kinë të infektuar kanë qenë 42% duhanpirës. Është faktor i rëndësishëm risku.
Unë thashë pak më parë ne doemos duhet të testojmë personat me kontakt të afërt. Unë nuk jam për testim masiv të popullatës.
Ibubrofeni? Mund ta marrin nëse nuk kanë probleme me stomakun. Më mirë medikamente me paracetamol.
Të mbajnë maska patjetër nuk mund të them gjë tjetër. Transporti publik, urban është faktor i madh risku. Duhet ta ketë parasysh qeveria. Jam kundër kontakteve të afërta dhe grumbullimeve brenda ambienteve të vogla
Ushqehu shëndetshëm dhe mos prisni të ta rrisë imuniteti Vitamina C. Është produkt i mrekullueshëm, ne e marrim nëpërmjet ushqimit, keq nuk i bën askujt. Mos gënjejmë mendjen se na mbron vitamina C. Nga koronavirusi na mbron vetëm vaksina.
Vaksina nuk ka shans të hyjë brenda 6 muajsh në qarkullim. Që të jetë efektive do kohë. Këtë vit nuk duhet të presim vaksinë por të shpresojmë vetëm për kufizimin e lëvizjeve dhe kontakteve.
Ne i trajtojmë pacientët me protokolle të huazuara. Oksigjen, antiviralë, antibiotikë dhe simptomatikët. Është një sfidë e re, shumë e madhe që nuk mund ta fitojmë pa ndihmën e qytetarëve.
Kush luan me COVID-19 mund të mos e pësojë ai por do e pësojë dikush tjetër. Mundësisht të na ndihmojë neve. Ajo që di të them është që të më shumë se kryeministri artikulon fjalë specialisti dhe më vjen mirë.
Nuk di të them, e di që brenda një rast fshihen 15 të tjerë. Ne jemi ende në fillim. Ndoshta kurba do ngrihet në javën e 3 apo të 4. Por së paku deri nga fundi i javës së tretë.”- tha Pipero./Balkanweb
