E rëndë/ Koronavirusi i merr jetën 43-vjeçarit nga Kavaja, ishte në spitalin Infektiv

Mëngjesin e sotëm është shënuar viktima e katërt nga koronavirusi në Shqipëri.

Mësohet se bëhet fjalë për një 43-vjeçar nga Kavaja, i cili ndodhej i shtruar në spitalin Infektiv dhe ishte në terapi intensive.

Pas rëndimit të gjendjes gjatë mbrëmjes, 43-vjeçari nga Kavaja është vendosur në frymëmarrje të drejtuar (respirator) për disa orë, por pavarësisht përpjekjes së mjekëve, nuk ka mundur të mbijetojë.

Ministria e Shëndetësisë bën me dije se i ndjeri nuk vuante nga ndonjë sëmundje bashkëshoqëruese por vetëm nga obeziteti.

43-vjeçari është viktima e katërt i prekur nga COVID-19 në Shqipëri, por edhe pacienti me moshën më të re që ka humbur jetën deri më tani.

NJOFTIMI ZYRTAR I MINISTRISE SE SHENDETESISE

Gjatë mëngjesit të sotëm ndërroi jetë një pacient 43-vjeçar i shtruar në spitalin Infektiv, i konfirmuar me COVID-19, i cili ndodhej në terapi intensive. Pas rëndimit të gjendjen gjatë mbrëmjes, 43-vjeçari nga Kavaja është vendosur në frymëmarrje të drejtuar (respirator) për disa orë, por pavarësisht përpjekjes së mjekëve, nuk ka mundur të mbijetojë. 43-vjeçari nga Kavaja, përpos obezitetit nuk kishte sëmundje bashkëshoqëruese. 43-vjeçari është viktima e katërt i prekur nga COVID-19 në Shqipëri.

Ministria e Shëndetësisë i shpreh ngushëllimet familjes së të ndjerit dhe apelon dhe një herë qytetarët të respektojnë me shumë rigorozitet rregullat e distancimit social dhe të telefonojnë 127 në rast se kanë shenja të sëmundjes.