Dyshohet për 4 raste me koronavirus në Vlorë

Koronavirusi rrezikon të ketë prekur edhe Vlorën. 4 raste të dyshuara me virusin COVID-19 nga qyteti bregdetar janë nisur me urgjencë drejt Tiranës. Nga të dhënat e para mësohet se bëhet fjalë për një familje: gjyshja, prindërit dhe 2 nipërit, përkatësisht të moshave 77, 69, 50 dhe 24 vjeç. Familja dyshohet se është infektuar nga nipi, i cili më 8 mars kishte ardhur nga Italia.

Deri më tani, Vlora nuk ishte prekur nga koronavirusi. Nëse këto raste konfirmohen, atëherë qyteti bregdetar i shtohet hartës së të prekurve në Shqipëri bashkë me Tiranën, Durrësin, Elbasanin, Fierin, Lushnjen, Korçën, Kavajën dhe Rrogozhinën.