Dy të prekur nga koronavirusi/ Ky është fshati në Shqipëri ku do izolohen të gjithë banorët

Një çift bashkëshortësh, banorë të fshatit Mbërs të Roskovecit kanë rezultuar pozitivë me koronavirus.

Si pasojë e këtij lajmi, Bashkia e qytetit apelon për izolimin e këtij fshati, pasi banorët kanë patur kontakte të ngushta me bashkëshortët.

Gjithashtu kjo bashki ka një thirrje për banorët, që të qëndrojnë në shtëpi dhe të mbajnë një higjienë maksimale personale për veten dhe të tjerët.

“Në vijim të masave të ndërmarra për parandalimin e virusit COVID-19 dhe në bashkëpunim të ngushtë me Q. Sh. të Bashkisë Roskovec, ju njoftojmë se kanë rezultuar pozitiv me Koronavirus #COVID1, dy banorë të fshatit Mbërs, Njësia Administrative Kurjan.

Çifti i bashkëshortëve  G & S Misiraj, i janë nënshtruar testimit për COVID-19 dhe kanë rezultuar pozitiv. Kjo familje ka pasur histori udhëtimi në Itali. Bashkia Roskovec i bën  thirrje URGJENTE të gjithë banorëve të fshatit Mbërs të vetë- izolohen, duke qenë se familja Misiraj ka pasur kontakte të ngushta me banorët e fshatit.  Kërkojmë bashkëpunimin e të gjithëve për të kuptuar rëndësinë e kësaj situate dhe respektimin e rregullave bazë: Qëndrimin në shtëpi dhe higjienë maksimale personale për veten dhe të tjerët.

Kjo është një “luftë” që na përket të gjithëve, kujdesuni për veten dhe miqtë tuaj pasi kështu do të mund të mbrohemi të gjithë. Urojmë shërim sa më të shpejtë çiftit Misiraj. Zoti qoftë me ne! #JoPanik #Kujdes #qendroninështëpi #Vetëizolohu”