LIGJET E BIZNESIT
Edhe sektori i Shëndetësisë është prekur mjaftueshëm nga koronavirusi.
Kështu, tre mjekë dhe tre infermierë të spitalit “Shefqet Ndroqi” në Tiranë mësohet se janë të infektuar nga COVID-19.
Sipas informacioneve dy mjekë rezultuan pozitivë një ditë më parë, ndërsa 4 të tjerët nga personeli shëndetësor i këtij spitali, u konfirmuan ditën e sotme, gjatë përditësimit të të dhënave nga zv/ministrja e Shëndetësisë, Mira Rakacolli,
Numri në total i të infektuarve në Shqipëri shkoi në 51.
Stafi mjekësor ka qenë në kontakt me pacientin që po trajtohet në spitalin infektiv dhe që, më herët ka qenë i shtruar në spitalin “Shefqet Ndroqi”. Nga gjurmimi i kryer, ky pacient është vizituar në spital nga një i afërm që vinte nga Italia, dhe që nuk ka treguar për historikun e udhëtimit të tij jashtë vendit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mësohet se personeli është në gjendje të mirë shëndetësore, pa simptoma dhe i vetëkarantinuar.
Kujtojmë se tri ditë më parë në Durrës, një tjetër doktor rezultoi bartës i koronavirusit, i cili u infektua nga e moshuara që humbi jetën, pasi nuk tregoi se kishte patur historik udhëtimi për në Itali.
