“Do të tërheqë sendet personale me polic”/ Deputeti Gjuzi dhunon gruan dhe djalin, ja vendimi i gjykatës

Deputeti dhe kryetari i Partisë Konservatore Kujtim Gjuzi besohet se ka ushtruar dhunë ndaj bashkëshortes dhe djalit të tij 16 vjeçar, të cilët e kanë denoncuar në polici dhe më pas i janë drejtuar gjykatës së Tiranës, duke kërkuar një urdhër-mbrojtje.

Gjykata e Tiranës ka urdhëruar deputetin Gjuzi që ti qëndrojë 200 metra larg bashkëshortes dhe djalit të tij 16-vjeçar. Një vendim i marrë ky pas denoncimit nga gruaja dhe djali i tij për dhunë në familje.

Gjyqtarja Agolli në vendimin e saj ka urdhëruar deputetin Kujtim Gjuzi të mos kryejë dhunë në familje ndaj bashkëshortes së tij dhe djalit H.Gj dhe të mos cënojë dhe ngacmojë gruan me inicialet M.K. dhe djalin e tij.

Një tjetër pikë e vendimit është dhe një urdhëresë që i lëshohet komisariatit nr. 1 në Tiranë, të cilës sipas vendimit të gjykatës duhet të shoqërojnë deputetin Kujtim Gjuzi për të tërhequr sendet personale nga apartament në pronësi të gruas.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern