LIGJET E BIZNESIT
Kryetari i Partisë Demokratike Lulzim Basha ka shkruar një letër sot për Organizatën Botërore të Shëndetësisë, drejtuar kreut të saj në Tiranë Raul Gonzales, ku i kërkon që në këtë situatë pandemie të COVID19 të ndihmojë Shqipërinë me teste dhe pajisje mbrojtëse për personelin mjekësor dhe të tjera të domosdoshme.
Basha thekson se ndërkohë që shtohen rastet me shenjat e koronavirusit, ka një rënie të testeve për arsye sepse mungojnë.
Krahas falenderimeve, lideri demokrat ngre shqetësimin se ka mungesë të pajisjeve mjekësore, përfshi edhe ato të mbrojtjes së personelit mjekësor që ndodhet në vijën e parë të përballjes me koronavirusin.
“Duke qenë të ndërgjegjshëm për mundësitë e pakta që kanë autoritetet tona për ta përballuar të vetëm këtë situatë, si dhe duke shfrytëzuar këtë mundësi komunikimi, dëshiroj t’Ju kërkoj që të ndihmoni autoritetet shqiptare dhe Shqipërinë me sa mundeni, për marrjen e sa më shumë pajisjeve testuese, të kiteve testuese dhe të tjerave materiale testuese.
Vetëm duke shtuar numrin e testimeve dhe duke verifikuar në kohë çdo person të dyshuar si të prekur nga virusi, ne arrijmë të izolojmë personin në kohë dhe të frenojmë përhapjen e virusit në numër më të lartë qytetarësh.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Do të ishim shumë mirënjohës, nëse do të ndihmonit në sigurimin e një sasie të konsiderueshme vjeshjesh dhe pajisjeve mbrojtëse të tjera të domosdoshme për të mbrojtur stafet tona mjekësore”, shkruan Basha.
