Mjekja Arjela Brakaj më një lidhje me skype me Fax News foli në lidhje me situatën në të cilën po përballet Britania e Madhe me sëmundjen e koronavirusit. Mjekja shqiptare tha se vetëm në spitalin ku punon ajo ditën e djeshme kanë humbur jetën 30 pacientë.
Mjekja ka trajtuar edhe problemin e emigrantëve shqiptarë që janë pa dokumenta në Britani për të cilët tha se nuk shkojnë dot as në spital, por nga ana tjetër dhe edhe disa këshilla ndaj tyre.
Fjala e mjekes:
“Vetëm ditën e djeshme në spitalin ku punoj unë në Londër kanë humbur jetën 30 pacientë. Gjendja është siç e dinë të gjithë dhe po përkeqësohet dita-ditës, edhe kryeministri Johsnon është i prekur nga koronavirusi dhe është mbyllur në karantinë. Gjithashtu edhe ministri por gjendja e tyre mësohet se nuk është shumë e rëndë. Është shumë e vështirë gjendja dhe shumë e rëndë, njerëzit janë në gjendje të vështirë, panikun mundohemi ta mbajmë për vete dhe të ndihmojmë sa më shumë. Kemi vetëmd javë pas Italisë por numri itë ifnekturve është në rritje të frikshme.
Deri tani sipas informacioneve të mia nuk ka shtetas shqiptarë të prekur. Por dua të them se shumica e shqiptarëve janë pa dokumenta dhe e kanë të vështirë të shkojnë në spital, i këshilloj të qëndrojnë në shtëpi, të kujdesen për veten, të blejnë ushqimet online. Ky virus është shumë i rrezikshëm dhe jo vetëm për ata që kanë probleme me shëndetin siç thuhet por për të gjithë. Është e vështirë të flas për të ardhmen dhe procedurat për personat që nuk kanë dokumenta. Të gjitha janë mbyllur, hotele, kazino, restorante. Ministri ka deklaruar se të gjithë ata që punojnë do marrin 50% të pagës por nuk e di se sa do të implementohet kjo nismë. Nganjëherë na mungojnë edhe pajisjet shëndetësore për të hyrë në dhomat ku janë të shtruar pacientët me koronaviruso”, tha Brakaj.
