Koronavirusi mposht vetëm të moshuarit, është një mit. Rasti më i fundit i një të riu Italian vetëm 19 vjeç ka konfirmuar edhe një herë tjetër deklaratat e mjekëve dhe shkenctarëve se COVID-19 i prek edhe moshat e reja, madje mund t’u shkaktojë edhe vdekjen.
Luca Di Nicola punonte prej disa kohësh si kuzhinier në Londër dhe disa ditë më parë ishte konstatuar si pozitiv me COVID-19.
Mjekët i qetësuan familjarët e tij në fillim, duke iu thënë se virusi nuk e rrezikon jetën e tij për shkak se ka një fizik të fortë dhe rrjedhimisht edhe sistemi imunitar do e përballonte virusin.
Por nuk ndodhi kështu, pasi mëngjesin e kësaj të diele, i riu nga Italia lindore u nda nga jeta për shkak të dëmeve të mëdha që virusi kishte shkaktuar në mushkrinë e tij.
