DETAJE/ 8 mjekë dhe infermierë të infektuar, spitali i Sanatoriumit kthehet në karantinë

Për të lehtësuar fluksin në spitalin Infektiv, mësohet se spitali “Shefqet Ndroqi” ose i njohur ndryshe dhe si Sanatoriumi, do të kthehet në një spital për të prekurit nga koronavirusi.

Lajmi është bërë i ditur nga Silva Bino, e cila punon si përgjegjëse e departamentit të sëmundjeve infektive pranë Institutit të Shëndetit Publik.

Ministria e Shëndetësisë po merr masa për zëvendësimin e personelit te ketij spitali me mbi 2200 vullnetarët që i janë përgjigjur thirrjes për të ndihmuar stafet mjekësore në terren.

Pas hetimit të hollësishëm epidemiologjik në spitalin “Shefqet Ndroqi”, kanë dalë pozitiv edhe 2 raste personel shëndetësor që kanë qenë në kontakt me pacientin, i cili aktualisht po trajtohet në spitalin infektiv dhe që, më herët ka qenë i shtruar në spitalin “Shefqet Ndroqi”.

Nga hetimi i kryer, janë testuar 89 personel shëndetësor në spitalin “Shefqet Ndroqi” dhe prej tyre kanë rezultuar 8 mjekë dhe infermierë pozitivë. Duhet thënë që të gjithë janë në gjendje të mirë shëndetësore dhe të vetëkarantinuar.