LIGJET E BIZNESIT
Koronavirusi nuk kursen as tregun e valutave. Gjatë ditëve të fundit, euro është forcuar ndjeshëm, si rezultat i bllokimit thuajse tërësisht të aktivitetit ekonomik në vend, me shumë biznese të mbyllura.
Sipas kursit zyrtar të Bankës së Shqipërisë, euro ka kapërcyer nivelin e 123 lekëve, për herë të parë që nga fillimi i nëntorit të vitit të kaluar. Në këtë mënyrë, monedha europiane ka arritur nivelin më të lartë të 5 muajve të fundit.
Sipas agjentëve në tregun e këmbimit valutor, forcimi i euros është shkaktuar nga kufizimi i aktivitetit të tregtisë, pas masave për mospërhapjen e virusit COVID 19.
Tashmë prej ditësh, Shqipëria është vendosur nën masa të rrepta të lëvizjeve, çka ka shkaktuar edhe një bllokim pothuajse të të gjitha bizneseve në vend.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
