Ka ndërruar jetë në Spitalin Infektiv një 71-vjeçar, i konfirmuar me COVID-19, i cili vuante nga kanceri në mushkëri, në stad tejet të avancuar. Lajmi konfirmohet nga Ministria e Shëndetësisë mbrëmjen e sotme.
71-vjeçari me origjinë nga Kuçova, i trajtuar më herët në spitalin universitar “Shefqet Ndroqi”, prej 7 ditësh ishte shtruar në spitalin Infektiv dhe gjatë mbrëmjes pati një komplikacion të menjëhershëm kardiak arterial.
71-vjeçari vuante nga disa sëmundje shoqëruese: kancer mushkërie, diabet mellitus, fibrilacion arterial dhe hipertension. Ka arritur kështu në 3 numri i viktimave nga koronavirusi në Shqipëri.
