Lajmi i cili bëri bujë dy ditë më parë dhe do të mbahet mend gjatë është nisja e 30 mjekëve dhe infermierëve shqiptarë për në Itali, të cilët do ti shërbejnë pacientëve me koronavirus.
Ndërkohë është caktuar edhe vendi ku ata do të punojnë për 30 ditë.
Ministrja e Shëndetësisë Ogerta Manastirliu ka bërë me dije se ata do të punojnë në spitalin e Brescias.
“Ornela, Alma, Erisela, Ermali, Orgesti, Bledi, Erxhymenti, Doina, Andriana, Lindita, Qazimi, Alma, Juliani, Serxhio, Kristiani, Suela, Eraldi, Evani, Albani, Manjola, Arjani, Eduart, Korabi, Ermali, Alfonsi, Ardit, Ervis, Almarin, Elisabeta, Blerim jeni krenaria jonë.
10 mjekët dhe 20 infermierët tanë do të shërbejnë në spitalin e Brescias, në një prej zonave më të goditura nga COVID-19 në Itali”, ka njoftuar ministrja.
