Bllokohen 17 shqiptarë në Spanjë bashkë me fëmijët, ja thirrja e fortë që kanë për shtetin

Situata e shkaktuar nga koronavirusi në Europë, ka shkaktuar bllokimin e 17 shtetasve shqiptarë, të rritur e fëmijë, në Spanjë.

Mësohet se ata nuk mund të kthehen dot pas mbylljes së kufinjve nga shteti spanjoll, i cili është i dyti më i prekur në Europë, pas Italisë.

Në Spanjë janë prekur nga koronavirusi 11,826 persona.

Shqiptarët ndodhen atje në Spanjë bashkë me fëmijët për pushime.

Ata kanë kërkuar ndihmë në ambasadën shqiptare në Madrid, por nuk kanë marrë asnjë përgjigje pozitive dhe as garanci.

Shtetasit shqiptarë nuk mund të udhëtojnë në asnjë vend tjetër, pasi Spanja i ka bllokuar kufijtë dhe nuk lejohen lëvizjet. Ata kanë bërë apel për ndihmë nga shteti që të kthehen në atdhe.