Bashkia e Tiranës ka një njoftim për të gjithë abonentët e UKT

Bashkia e Tiranës ka bërë të ditur një vendim sot për të gjithë abonentët e UKT.

Mësohet se kamatvonesat do të pezullohen duke nisur nga muaji mars e në vazhdim, deri në një njoftim të dytë.

Lajmin e ka bërë të ditur kryetari i Bashkisë së Tiranës Erion Veliaj.

“Në kuadër të masave për lehtësimin e gjendjes për qytetarët që preken nga situata e krijuar nga virusi #COVID19, UKT njofton se duke nisur nga muaji Mars do të pezullohen kamatvonesat për abonentët. Pezullimi do të jetë në fuqi deri në një njoftim të dytë nga UKT”, ka shkruar ai.

Sot pritet që dhe kryeministri Rama të dalë në një deklaratë zyrtare për të bërë publik planin e tij për garancinë financiare në kuadër të krizës që ka kapluar vendin dhe botën pas shpalljes së pandemisë COVID 19.