“Bashkë lëvizim dhe malet” Ambasada e SHBA jep mesazhin domethënës për të gjithë personat e izoluar

Ambasada amerikane në Tiranë po organizon një nismë për të gjithë personat e izoluar që nuk mund të dalin nga shtëpitë tani apo të takojnë të afërmit e tyre për shkak të situatës së krijuar nga COVID19.

Në sloganin “Bashkë lëvizim dhe malet” ambasada shkruan se zbatimi i largësisë sociale nuk do të thotë se nuk mund të jemi pranë njëri-tjetrit.

“Zbatimi i largësisë sociale nuk do të thotë se nuk mund të jemi pranë njëri-tjetrit. Largësitë shkurtohen kur jemi pranë njerëzve të tjerë me mendimet tona. Prandaj sot, donim të ndanim me ju këtë nismë të bukur të Këndit tonë Amerikan në Vlorë. Këndi fton të gjithë të marrin pjesë dhe të ndajnë një mesazh pozitiv për miqtë, familjarët që ndodhen pranë apo larg, komunitetet ku jetojmë dhe të gjithë botën. Ndani kartolinën tuaj me ne në hapësirën e komenteve mëposhtë”, thuhet në njoftim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern