Mali i Zi ka nxjerrë një urdhër që të mos lejojë të futen makina nga Shqipëria që ka si destinacion udhëtimi Italinë, duke i kthyer ato. Kjo ka bërë në pikën kufitare të Muriqanit të ngrihen kontrolle të rrepta nga policia shqiptare, për të verifikuar të gjithë pasgjerët, e veçanërisht ato që kthehen nga Italia dhe vijnë në vendin tonë. Mediat raportojnë se në orët e mesditës, në Muriqan kanë hyrë mjetet e fundit nga Italia, dy autobusë dhe 14 makina private. Deri në pikën kufitare ata janë shoqëruar nga policia malazeze ku janë marrë në dorëzim nga pala shqiptare. Pavarësisht kësaj, të gjithë pasagjerët do ti nënshtrohen kontrollit mjekësor. Pasagjerët janë kryesisht nga Lombardia, vatra e epidemisë.
Në 13:18 përfundoi kontrolli i pasagjerëve të autobusëve, të cilët u nisën drejt Tiranës të shoqëruar me polici. Drejtori i Policisë së Shkodrës, Niko Brahimaj ka bërë të ditur se të gjitha qytetarët që kanë hyrë në Shqipëri iu është marrë numri i pasaportës dhe i kartës së identitetit dhe do të mbahen në vëzhgim. Drejtori i Policisë së Shkodrës, Niko Brahimaj ka bërë me dije se udhëtarët që kanë mbërritur nga Italia nëpërmjet doganës së Muriqanit janë urdhëruar të vetëkarantinohet, në të kundërtën do të gjobiten.
“Ne jemi bashkë, dhe i porosimin dhe i njoftojmë që të vetëkarantinohen për 14 ditë që e ditë të gjithë. Nëse këtë qytetarë nuk vetëkarantinohen dhe konstatohen nga policia, do vendosim gjobë. Janë marrë të gjithë të dhënat, janë identifikuar dhe e dimë kush janë me numër pasaporte ose ID kartë dhe i kemi paralajmëruar. Asnjë tolerim kush shkel rregullin. Do shoqërohen nëpërmjet shërbimeve të qarkullimit deri në kufi me Lezhën dhe më pas Lezha do t’i shoqëroj deri në destinacionin final që është Tirana. Do të vetë karantinohen. Janë dy autobus, një furgon dhe disa mjete të vogla. Nuk kemi informacion që do të vijnë mjetet të reja nga Italia”, tha Brahimaj.
Marrë nga gazeta SI
