LIGJET E BIZNESIT
Gazetari Alfred Peza, i cili aktualisht mban postin e sekretarit për marrëdhëniet me mediat në Partinë Socialiste ka bërë një deklaratë shumë të fortë në lidhje me presidentin Ilir Meta.
I ftuar në programin “Opinion”, mbrëmë ai u shpreh se ka zëra që Kreu i Shtetit do të formojë një lëvizje të re politike, ku do të përfshihet dhe LSI së bashku me parti të tjera të vogla.
Sipas Pezës, ky angazhim i ri do të quhet “Lëvizja për Besën Shqiptare”.
“Ka zëra që lëvizja e re politike e Metës do ta ketë emrin Lëvizja për Besëlidhjen Shqiptare, dhe do të përfshijë parti si LSI dhe parti të tjera të vogla dhe përqëndrimin do ta ketë më djathtas se LSI-ja”, tha Peza.
Kujtojmë se më parë, Alfred Peza është shprehur se Meta tenton të marrë rolin e kryetarit të Partisë Demokratike Lulzim Basha, duke i shpallur luftë hapur opozitës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ilir Meta sot ka nisur një projekt të ri politik, lufta nuk është me mazhorancën dhe Ramën është me Lulzim Bashën për rolin e kreut të opozitës. Ilir Meta ishte në rolin e liderit të opozitës, Lulzim Basha ishte në rolin e argatit që i solli votuesit e tij për t’ja konfirmuar këtë gjë”, deklaroi Peza asokohe.
