Alarmi nga koronavirusi, Meta dekreton ligjin e rëndësishëm për pajisjet mjekësore

Presidenti Ilir Meta ka dekretuar ditën e sotme një ligj shumë të rëndësishëm në kuadër të situatës alarmante të shkaktuar nga pandemia e koronavirusit.

Bëhet fjalë për ligjin e blerjeve të pajisjeve mjekësore.

Është vetë Institucioni i Presidentit të Republikës bën me dije se, Presidenti i Republikës në ushtrim të kompetencave të Tij, në mbështetje të nenit 84 dhe 93 të Kushtetutës, ka dekretuar shpalljen e ligjit nr. 21/2020 “Për disa shtesa dhe ndryshime në ligjin nr.89/2014 ‘Për pajisjet mjekësore”’, të miratuar nga Kuvendi i Shqipërisë.