Aksident i rëndë/ Trajleri përplas makinën, plagoset 35-vjeçari

Një aksident i rëndë automobilistik ka ndodhur ditën e sotme në Korçë.

Mësohet se një automjet tip trajler ka përplasur një makinë “Hunday”.

Për pasojë , është plagosur shoferi 35 vjeçar i “Hundayt” me iniciale E.S.

Ai është dërguar me urgjencë në spitalin e Korçës ku ndodhet në gjendje të rëndë shëndetësore.

Ngjarja ka ndodhur pranë fshatit Dishnicë.

NJOFTIMI ZYRTAR I POLICISE

Korçë/Informacion paraprak

Më datë 04.03.2020, në rrugën Dishnicë-Korçë, pranë fshatit Dishnicë, shtetasi B.Z., rreth 40 vjeç, banues në Pukë, duke drejtuar mjetin tip trajler është përplasur me mjetin tip “Honday” me drejtues shtetasin E. S., rreth 35 vjeç, i cili u transportua në Spitalin Rajonal Korçë, aktualisht në gjendje të rëndë shëndetësore.

Grupi hetimor në vendngjarje po kryen veprimet dhe po punon për përcaktimin e shkaqeve të aksidentit.