A ka të prekur nga koronavirusi në Shqipëri? Ministria e Shëndetësisë tregon rezultatet: U testuan 3 të dyshuar

Ditën e sotme është dhënë lajmi i mirë se ende nuk ka asnjë të prekur në Shqipëri nga koronavirusi.

Këtë fakt e ka bërë të ditur, drejtuesja e Shërbimit të Inteligjencës Epidemiologjike, pjesë e task-forcës së Ministrisë së Shëndetësisë, Eugena Tomini.

Gjatë një deklarate për mediat ajo është shprehur se dje janë testuar tre persona të dyshuar se ishin prekur, por që kanë rezultuar negativë.

“Gjatë ditës së djeshme janë testuar tre raste, të cilët kanë rezultuar negativë. Nga survejanca e shtuar në pikat kufitare, po monitorohen të gjithë udhëtarët. Ministria rekomandon për udhëtarët, që vijnë nga rajonet e prekura, të vetëkarantinohen për 14 ditë”, tha ndër të tjera Tomini.