LIGJET E BIZNESIT
Ministrja e Shëndetësisë, Ogerta Manastirliu ka reaguar menjëherë pas denoncimit të mjekut Ilir Allkja në facebookun e tij përmes një video-mesazhi se është vetëkarantinuar pasi ka vizituar tre pacientë të dyshuar me Covid-19 pa veshje mbrojtëse.
Megjithatë, mjeku Ilir Allkja vetëm një ditë më parë ka postuar fotot e tij me veshje mbrojtëse.
Manastirliu thotë se nuk e di çfarë e shtyu mjekun të bëjë atë denoncim, por akuzon Bashën për “abuzim me publikun” duke nxjerrë videon mjekut të QSUT.
Reagimi i Ministres Manastirliu:
Lulzim Basha sapo abuzoi përsëri me publikun, duke nxjerrë videon e një mjeku të QSUT, me pretendimin që ishte i papajisur me veshjen mbrojtëse apo me “pajisjen mbrojtëse”, siç e quajti! Nuk e di çfarë e ka shtyrë mjekun në fjalë të thotë që s’ishte i pajisur me veshjen speciale. Nuk e di në cilën gjuhë të botës mund t’i thuhet Lulzim Bashës, që kjo që po bën përditë është skandaloze, e turpshme, kriminale! Por di që kjo foto është postuar nga vetë mjeku që u prezantua sot nga Lulzim Basha, njësoj si “1.2 milion maskat helmuese” që dje!
