A do e shpëtojë Shqipërinë karantinimi nga COVID-19? Specialisti i sëmundjeve Infektive: Kjo epidemi do të jetë shumë më e madhe

Specialisti i sëmundjeve Infektive Arjet Gega në një lidhje direkte për “AbcNews” ka folur për situatën e shkaktuar nga koronavirusi në vendin tonë. 

Në këtë fazë të karantinës që jemi, Specialisti Gega tha se testimi masiv do të tregojë numrat e vërtetë dhe në bazë të saj do të merren masa. 

“Shumica e pacientëve që kam sot në spital e kanë marrë sëmundjen dy apo tre javë më parë. E rëndësishme është të bëhet testimi i personave që kanë simptoma dhe ata që kanë qenë në kontakt me personat e prekur.

Testimi masiv do të tregojë numrat e vërtetë dhe në bazë të saj do të merren masa. Mund të them se kjo epidemi do të jetë shumë më e madhe”, u shpreh Gega.