30 mjekët shqiptarë në Itali, eurodeputetët italianë letër falenderimi Ramës

Deputetët italianë në Parlamentin Europian i kanë nisur një letër falenderimi kryeministrit Rama pas dërgimit të 30 mjekëve dhe infermierëve shqiptarë në Itali në betejën kundër koronavirusit.

Në letër, eurodeputetët italianë e vlersojnë lartë këtë akt të qeverisë shqiptare dhe tregues i vlerave që bart populli shqiptar.

“I nderuar zoti Kryeministër. Dëshirojmë të shprehim vlerësimin tonë personal për dërgimin në Itali të dhjetëra personave të stafit mjekësor nga ana e Republikës së Shqipërisë. Prezenca e mjekëve dhe infermierëve shqiptarë në zonat më të goditura është një gjest i vyer i miqësisë dhe vëllazërisë që lidh shtetet tona që prej gjithmonë”, shkruajnë eurodeputetët.

“Vetëm së bashku mund të kalojmë emergjencën COVID-19 dhe mundimet tuaja përfaqësojnë një kontribut esencial për të realizuar këtë objektiv të përbashkët”, nënvizojnë ata në letrën e tyre.

Deputetët theksojnë më tej se, “solidariteti që keni demonstruar është shprehje e vlerave të rëndësishme që kanë frymëzuar lindjen e Bashkimit Europian. Ne e mirëpritëm vendimin e Këshillit për të filluar zyrtarisht negociatat e pranimit të Shqipërisë në BE dhe shpresojmë ta shohim së shpejti Shqipërinë në Komunitetin Europian. Ju falenderojmë për ndihmën tuaj”.

Anëtarët e Parlamentit Europian:

Andrea Cozzolino

Pina Picierno

Brando Benifei

Patrizia Toia

Irene Tinagli

Simona Bonafè

Elisabetta Gualmini

Pietro Bartolo

Pierfrancesco Majorino

Andrea Caroppo

Giuliano Pisapia

Dino Giarrusso

Mario Furore

Alessandro Moretti

Aldo Patriciello

Massimiliano Smeriglio

Paolo De Castro

Salvatore De Meo

Piernicola Pedicini