Pas protestës që u organizua dje në sheshin përpara godinës së Kryeministrisë, të thirrur nga presidenti Ilir Meta për mbrojtjen e Kushtetutës, ka ardhur dhe reagimi i ish-kryeministrit Sali Berisha.
Me anë të një postimi në rrjetet sociale, Berisha shprehet se në shesh ishin 500.000 shqiptarë që i dolën zot Kushtetutës.
“Populli i vendosur te mbroj kushtetutën dhe të përmbysë narkoshtetin dhe puçin e tij! Nderim te madh 500.000 qytetarëve që i dolën zot Kushtetutës në Tiranë dhe i futen tmerrin në shpirt dhe lepurin në bark narkoshtetit dhe kreut të tij puçistit Edvin Mafise. Rama ik! Fitore!”, shkruan ish-kryeministri Sali Berisha.
