Zbulohet origjina/ Ja kush është 38-vjeçari që përhapi koronavirusin në Itali

Zbulohet origjina e përhapjes së koronavirusit në Itali. Mediat italiane bëjnë me dije se shkak për përhapjen e këtij virusi është bërë ardhja e një personi nga Kina më 21 janar. Pas 4 ditësh (më 25 janar) ai ka darkuar me kolegun e tij të punës Mattia, i cili dyshohet se ka shpërndarë më tej koronavirusin si pasojë e jetës së tij aktive.

38-vjeçari,Mattia, për 21 ditë ka vazhduar jetën e tij të mbushur me aktivitete e duke pasur kontakte me njerëz të ndryshëm pa e ditur se ishte infektuar. Mattias, i cili ndodhet tashmë në përkujdesje intesive nga stafi mjekësor, bënte një jetë të ndarë mes 3 qyteteve, Codogno, Castiglione D’Adda dhe Casalpusterlengo.

Ai jeton në Codogno ndërkohë shkon shpesh e dhe në Castiglione D’Adda, ku takon familjen e miqtë e tij, si dhe punon në Casalpusterlengo. Mjekët e punonjësit e mjekësisë po ndërtojnë itineraret e aktivitetet e kryera nga ai.

Ndër aktivitetet më me shumë impakt në përhapjen e virusit janë ato sportivet. Në 2 shkurt ai ka marrë pjesë në një gjysmë maratonë me grupin e atletëve “Codogno 82” në Santa Margherita Ligure.

Ndërkohë, në 9 shkurt Mattia ka zhvilluar një tjetër garë vrapimi jo-kompetitive në Sant’Angelo Lodigiano. Në 15 shkurt ai vazhdoi të kishte kontakt me më shume individë, pasi zhvilloi një ndeshje futbolli në Madignano (Cremona) me ekipin e tij Picchio di Somaglia për një ligë jo profesioniste CSI.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas komunikatës së klubit të futbollit “gjithë njerëzit që kanë qenë në kontakt me Mattian do i nënshtrohen kontrrollit mjekësor”.

Një shqetësim tjetër i madh lidhet me ambientin e punës së tij në “Unilever” të Casalpusterlengo-s. Në mensë ndodh që gjithë punonjësit e kompanisë të jenë afër me njëri-tjetrin. Mattia punon për departamentin e kërkimeve të Unilever, kompani e cila ka rreth 500 punonjës.

Në datën 21 shkurt një ekip mjekësor erdhi në ambientet e kompanisë dhe kontrrolloi rreth 160 punonjës gjer në darkë e më pas u vendos që fabrika në të cilën punonte Mattia të mbyllej.