Zbulohet arsyeja/ Ja pse ndodheshin 3 fuoristradat të zhytura në detin e Vlorës

Një lajm i pazakontë erdhi sot nga Plazhi i Ri në Vlorë , ku tre fuoristrada u panë të zhytura thellë në det.

Policia arriti ti nxirrte automjetet nga uji, ndërkohë që fillimisht u dyshua se bëhej fjalë për ndonjë tentativë për të trafikuar lëndë narkotike.

Mirëpo mesa duket makinat kanë ngecur pasi tentuan të nxjerrin një mjet lundrues nga deti.

E para ka hyrë një makinë me karrelë për transportimin e mjeteve lundruese.

Por më pas plani nuk ka shkuar sic duhej dhe mjeti ngeci, ku më pas shkoi një tjetër makinë për ndihmë e cila ka ngecur sërish.

Më pas edhe mjeti i tretë nuk arriti të dilte edhe u shkaktua ngjarja e pazakontë.

Mjeti lundrues që shkaktoi të gjithë këtë situatë është regjistruar si varkë peshkimi në Autoritetin Portual të Durrësit.

Pra i gjithë misteri që qarkulloi duke habitur në masë mediat dhe opinionin, tashmë duket i zgjidhur.