LIGJET E BIZNESIT
Një vrasje e rëndë tronditi mbrëmë Rrëshenin, ku Fatmir Kolecaj ekzekutoi me armë zjarri ish-bashkëshorten dhe vëllain e saj.
Autori ishte i divorcuar me viktimën, me te cilën kishte tre vajza dhe kishte pak kohë që kishte dalë nga burgu pasi ishte dënuar më parë për veprën penale “Dhunë në familje”.
Ditën e sotme Policia e Shtetit kërkon ndihmë për kapjen e 47-vjeçarit Kolecaj si edhe vë në dispozicion 5 milion lekë për këtdo që jep informacion për vendndodhjen e tij duke ruajtur anonimatin.
NJOFTIMI ZYRTAR I POLICISE
Vijon krehja e zonës për lokalizimin, kapjen dhe arrestimin e autorit të dyshuar të vrasjes së dyfishtë të ndodhur mbrëmjen e djeshme, në Kodër Rrëshen.
Forcat RENEA, FNSH dhe strukturat e Drejtorisë Vendore të Policisë Lezhë kanë vijuar pa ndërprerë kontrollin e territorit dhe të vendeve të dyshuara ku mund të fshihej autori i dyshuar i ngjarjes.
Ndërkohë, grupi hetimor, nën drejtimin e prokurorisë ka kryer të gjitha veprimet procedurale dhe dokumentimin e ngjarjes.
Për të bërë të mundur kapjen sa më parë të autorit të dyshuar të kësaj ngjarjeje, Drejtoria Vendore e Policisë Lezhë vë në dispozicion 5 milion lekë për këdo që jep informacion të saktë mbi vendndodhjen e autorit.
Cilido që disponon informacion të vlefshëm për autorin e dyshuar, shtetasin Fatmir Kolecaj, 47 vjeç, banues në fshatin Zejmen, Lezhë, të telefonojnë në numrin 069 41 06 449 dhe në numrin pa pagesë 112 apo në Komisariatin Dixhital, duke i siguruar anonimat të plotë dhe të sigurt.
