LIGJET E BIZNESIT
Vjosa Osmani është zgjedhur kështu gruaja e parë kryeparlamentare në Kosovë.
Në ditën e parë të punës, ajo i ka habitur të gjithë me veprimin e saj në zyrë.
Sapo ka mbërritur, Osmani ka vendosur të heqë nga zyra fotografinë e presidentit Hashim Thaci, të cilën e ka zëvendësuar me atë të Ibrahim Rugovës, ish-presidentit të Kosovës dhe njëkohësisht edhe kryetar i LDK, parti në të cilën ajo aderon.
Ky ndryshim ka rënë në sy në vizitën e parë që Osmani ka pritur në krye të detyrës, e që ishte ambasadori i SHBA në Prishtëinë, Philip Kosnett.
Osmani deklaroi dje se angazhimin politik prej dy dekadave e ka bërë duke iu referuar vetëm figurës së ish-presidentit Ibrahim Rugova.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“ Gjatë gjithë angazhimit tim politik, qe gati 2 dekada, një gjëje nuk i jam ndarë asnjëherë: respektimit të vullnetit tuaj. Gjithë jetën time në politikë e kam pasur një referencë: Dr. Ibrahim Rugova. Asnjëherë, pavarësisht pengesave gjatë rrugës, nuk kam reshtur së punuari që vullneti i qytetarëve të Republikës sonë të jetësohet”, ka shkruar Osmani.
Kujtojmë se të njëjtin veprim bëri dhe kryeministri Edi Rama kur fitoi zgjedhjet në 2013.
Sapo hyri në zyrën e tij të re si shef i qeverisë, hoqi nga muri fotografinë e Bujar Nishanit, asokohe president edhe e zëvendësoi me atë të Ismail Qemalit, figurës historike të cilit i atribuohet pavarësia e Shqipërisë.
