Tre raste të dyshuar me koronavirus në Shqipëri, MSh jep përgjigjen e analizave

Mëngjesin e sotëm ka përfunduar testimi it re rasteve të reja të dyshuara me koronavirus njofton Ministria e Shëndetësisë dhe Mbrojtjes Sociale. Ndërkohë, përmes një njoftimi zyrtar, ministria tregon se rezultatet kanë dalë negative.

Njoftimi i plotë:

Ministria e Shëndetësisë dhe Mbrojtjes Sociale informon se mëngjesin e sotëm ka përfunduar testimi i tre rasteve të reja të dyshuara në laboratorin e virologjisë në Institutin e Shëndetit Publik, me histori udhëtimi me vendet e prekura nga koronavirusi COVID-19, të cilat kanë rezultuar NEGATIVE.

Deri në këto momente janë testuar 26 raste për koronavirusin e ri.

Duke ju ftuar t’i referoheni burimeve zyrtare, Ministria e Shëndetësisë dhe Mbrojtjes Sociale ju bën me dije se do të informojë në vijimësi për situatën në vendin tonë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern