LIGJET E BIZNESIT
Tirana ka marrë një fitore të madhe me përmbysje 5-1 ndaj Partizanit, duke e mposhtur në të dytin derb radhazi mes tyre.
Një fitore me shumë peshë për ekipin bardheblu që është tanimë kandidatja kryesore për titull pas përmbysjes së “çmendur” në derbi.
Përpos lojtarëve meritat i shkojnë padyshim Egbosë, për të cilin koha tregoi se ishte trajneri i duhur në kohën e duhur për Tiranën, që nuk ka njohur humbje që kurse ai mori drejtimin e kryeqytetasve.
Si kurrë më parë, plotë 19 mijë e 500 tifozë të pranishëm në “Air Albania”, për të ndjekur derbin e kryeqytetit, që dhuroi një atmosferë elektrizuese.
Përballja do të niste në mënyrën më të mirë për Partizanin, që gjeti golin e avantazhit që në minutën e dytë me brazilianin Melo. Një gol fluturimthi i tij përfundoi në trekëndëshin e Likës.
Por duket se në minutat në vijim ndeshja do të merrte një tjetër rrjedhë, pasi Tirana fitoi dy penallti radhazi që u shndërruan në gol nga Batha në minutën e 16’ dhe 19’. Protestat e lojtarëve të Partizanit nuk e ndalën festën e tifozëve të shumtë bardheblu, që ndezën në festë stadiumin “Air Albania”. Me shifrat 2-1 do të përfundonte pjesa e parë.
Në pjesën dytë Ngo do t’ia linte vendin Muçit, që do ta shpërblente më së miri besimin e Trajnerit. Në minutën e dytë Muçi shënoi golin e katërt.
Pas tentativës së Torasës, topi u ndal fillimisht nga portieri Alban Hoxha, teksa më pas shkoi te talenti Muçi, i cili nuk fali duke e dërguar në rrjetë.
Në minutën e 91′ të lojës Muçi do të shënonte edhe golin e pestë nga goditja e dënimit, duke befasuar Alban Hoxhën, e duke kapitulluar ekipin e Sormanit.
