Gjykata ka vendosur të lirojë nga burgu Vladimir Gjutë, një nga personat e akuzuar për vendosjen e një sasie eksplozivi në farmacinë e babait të ish-ministrit të Brendshëm saimir Tahiri.
Gjuta akuzohej se së fundmi kishte goditur kushëririn e tij me çekiç.
Kështu kushëriri i dhunuar, vendosi të tërhiqej nga ankimimi dhe prokuroria kërkoi revokimin e masës.
Nga ana tjetër Gjykata vendosi që të lërë të lirë Gjutën.
Kujtojmë se Gjuta u arrestua në vitin 2015 në Tunelin e Kalimashit me paruke në kokë, teksa tentonte të arratisej jashtë vendit. Ai, së bashku me Ernest Gjutën dhe Baftjar Brukën, ishin arrestuar për ngjarjen e ndodhur në farmacinë e babait të ish-ministrit Tahiri.
Në vitin 2016, 36-vjeçari nga Kukësi është arrestuar sërish sepse ka dhunuar babanë e tij të moshuar dhe bashkëshorten. Nga ana tjetër, veç dhunës në familje, ai akuzohej në atë kohë edhe për shkeljen e vendimit të Gjykatës së Kukësit, që kishte caktuar ndaj tij masën “Arrest shtëpie”. 36-vjeçari ka dhunuar fizikisht dhe psikologjikisht babanë e tij 78 vjeç, ndërsa pre e dhunës u tha se ishte edhe bashkëshortja e tij. Ka qenë vetë babai i Gjutës, që ka kërkuar ndihmën e Policisë, duke telefonuar në sallën operative. Më pas, shërbimet e Komisariatit nr.5 kanë shkuar menjëherë në vendngjarje, duke kryer arrestimin në Vladimir Gjutës.
