Inxhinieri Arben Mecaj i ftuar në emisionin “Real Story” duke folur për faturën e tërmeteve, tha se momenti i parë ishte ai i një interesi kombëtar, për të shpëtuar jetë të njerëzve, ndërsa pastaj erdhi interesi i parasë.
Mecaj deklaroi se janë dhënë 415-të mijë euro për vlerësime për banesa që janë shkatërruar, që janë shumë.
“Përvec informacionit zyrtar, ne disponojmë edhe të tjera informacione. Me ekspertët kam kontestimin tim. Të gjitha këto kanë probleme nga pas. Banka Botërore është e lidhur me politikën. Politika e Bankës Botërore është marrje kredie dhe ne kemi kosto. Unë vazhdoj të insistoj që 450-të milionë euro janë vendosur për procesin e ndërtimit. Janë prishur 2-3 objekte, e që janë objekte që ekspertët kanë thënë se do prishen. Janë paguar 415-të mijë euro, për vlerësim për një objekt që është shembur. Momenti i parë ishte interesi kombëtar e vepruam, kurse momenti i dytë është leku. Këtu mund të jetë meseleja. Në QS janë prishur tre objekte, a janë këta në projekt?”, deklaroi Mecaj.
