Tentuan të grabisnin banesën, arrestohen në flagrancë dy të rinjtë në Shkodër

Dy moshatarë janë vënë në pranga pasi janë kapur në flagrancë teksa tentuan të grabisnin një banesë në Shkodër.

Duke iu referuar njoftimit të policisë, mësohet se  në pranga janë vënë shtetasi R.D., 23 vjeç banues në Vlorë dhe K.Ll., 23 vjeç banues në Fushë Milot, Kurbin.

Më tej në njoftimin e policisë mësohet se arrestimi i tyre u bë pasi u kapën në flagrancë në tentativë për të vjedhur në banesën e shtetasit B.G., në fshatin Berdicë.

Njoftimi i policisë:

Tentojnë të vjedhin në një banesë, arrestohen në flagrancë nga Policia. Nga shërbimet e Komisariatit të Policisë Shkodër, në bazë të informacioneve të marra në rrugë operative dhe pas një pune të mirëorganizuar u bë arrestimi i shtetasve: R. D., 23 vjeç, banues në Vlorë dhe K. Ll., 23 vjeç, banues në Fushë Milot, Kurbin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Arrestimi i tyre u bë, pasi u kapën në flagrancë nga shërbimet e Policisë në tentativë për të vjedhur në banesën e shtetasit B. G., në fshatin Berdicë.

Vijon puna për dokumentimin e ngjarjeve të tjera në të cilat mund të jenë implikuar këta shtetas, si dhe për identifikimin e bashkautorëve të mundshëm.

Materialet iu referuan Prokurorisë së Rrethit Gjyqësor Shkodër, për veprën penale “Vjedhja e mbetur në tentativë, e kryer në bashkëpunim”.