Të shtënat me armë zjarri në Shkodër/ Policia jep informacion, ja çfarë ndodhi

Pas të shtënave me armë zjarri në lagjen “Parrucë” të Shkodrës ditën e sotme, ka ardhur dhe reagimi zyrtar i policisë.

Sipas informacioneve të uniformave blu, nuk ka asnjë të plagosur nga ngjarja, ndryshe nga se u raportua në fillim.

Ndërkohë vijon puna për sqarimin e rrethanave të ngjarjes, me qëllim identifikimin dhe kapjen e autorëve.

“Më datë 12.02.2020, rreth orës 14:00, në vendin e quajtur Parruce, në rrethana ende të paqarta, dyshohet se një shtetas ka qëlluar në ajër me armë zjarri dhe është larguar me automjet. Nga verifikimet e bëra nga policia nuk ka persona të dëmtuar.

Shërbimet e Policisë kanë shkuar menjëherë në vendngjarje së bashku me grupin hetimor dhe vijon puna për sqarimin e rrethanave të ngjarjes, me qëllim identifikimin dhe kapjen e autorit”, shkruan Policia.