Dita e të dashuruarve, Shën Valentini mesa duket ka nisur ndryshe edhe për presidentin Ilir Meta.
Që në mëngjes ai ka postuar një fotografi, ku shfaqet me bashkëshorten e tij, kryetaren e Lëvizjes Socialiste për Integrim, Monika Kryemadhi.
Të dy kanë dalë të buzëqeshur e të shpenguar, teksa ndodhen në një lëndinë.
“Më shumë dashuri në zemrat e të gjithë shqiptarëve!”, shkruan Meta krahas fotos.
Sipas informacioneve foto e zgjedhur nga presidenti nuk është aktuale por është kryer vitin e kaluar në një udhëtim të çiftit në Prevallë.
