“Të dalë e të thotë kush e vrau Kastriot Reçin” ish-drejtuesi i policisë ‘kryqëzon’ Sandër Lleshajn

Një akuzë e rëndë ka ardhur së fundmi në drejtim të ministrit të Brendshëm, Sandër Lleshaj.

I ftuar në programin “360 gradë” ish-drejtuesi i lartë në Polici, Shemsi Prençi e ka pyetur publikisht ministrin e Brendshëm se kush është personi që fshihet pas konfliktit që ka pasur kushëriri i bashkëshortes së tij, ku mbeti i vrarë Kastriot Reçi.

Shemsi Prençi: Duhet ta pyesim publikisht ministrin Lleshaj, kush fshihet pas konfliktit që ka pasur kushëriri i nuses, i bashkëshortes së ministrit. Të dalë t’ia thotë publikut ose të zbulojë kush e ka bërë vrasjen.

Bashkëshortja e ministrit të Brendshëm është kushërira e të ndjerit, e ish-drejtorit të OSHEE, që ka qenë në konflikt me Reçët. Ta zbulojë vrasjen zoti ministër, ose të dalë publikisht. Atëherë do të jetë i besueshëm ministri për udhëheqjen e anti-KÇK, ose është pjesë e saj.