Kryeministri Edi Rama ndodhet në një vizitë në Shtetet e Bashkuara të Amerikës.
Në një bashkëbisedim nga Këshilli i Atlantikut, ai ka komentuar vizitën në Washington, duke folur gjithashtu për prespektivën e Shqipërisë në BE.
Ndër të tjera kreu i qeverisë nuk ka lënë pa përmendur integrimin europian, shengenin rajonal, rindërtimin pas tërmetit, si dhe kryesimin e OSBE apo paketën anti- KÇK.
Rama ndër të tjera ka thënë se aktualisht ne duhet të përballemi me një mallkim sepse kur ishte BE në formë shumë të mirë, vendi ynë ishte keq, dhe tani po ndodh e kunderta.
“Duhet të përballemi ende me një mallkim që ka karakretizuar jetën tonë, se kur BE ishte në formë shumë të mirë ne ishim të këqinjtë, tani që jemi të mirë ata janë në formë të tmerrshme, na duhet të presim momentin ku jo vetëm të jemi ne të mirët, por edhe ata të jenë në formë të mirë.
Nuk është ky momenti, është bërë progres i mirë. Është pozitive metodologjia e re, po bëhej makth skizofrenike, situatë ku komisioni ka ndjekur detyrat që duhet të përmbusheshin dhe këshilli që gjithmonë e më tepër mbetej peng i agjendave politike në vende të ndryshme.
Për ne, Shqipërinë e përmendët me nënqeshje pak dyshuese, ne jemi vendi i vetëm në Evropë që kemi 95% dëshirën e njerëzve për të qenë pjesë e BE, buzeqeshja juaj ishte si të thuash c’problem keni, në kohën kur britanikët u larguan, por për Shqipërinë Evropa është shumë më tepër se cështje për vende të tjera se ne kemi kaluar një jetë të vështirë duke u mbajtur peng i perandorive që nuk i zgjodhëm dhe kjo është e para jo mirëfilli, i pari vend ku donim të ishim prej një kohe të gjatë, njësoj si ti ikje përherë mallkimit të historisë e për të qenë të sigurt, është si martesa, duhet të martohesh që të kuptosh se nuk është e njëjta gjë që kishe menduar, por fakti që njerëzit divorcohen nuk të bën të heqësh dorë për tu martuar”- u shpreh Rama gjatë fjalës së tij.
