Sulm terrorist në Londër, një person i armatosur plagos disa persona

Londra është tronditur nga një tjetër sulm të cilin mediat britanike e konsiderojnë terrorist teksa mësohet se një person i armatosur me një thikë ka qëlluar disa persona duke i lënë të plagosur.

Ndërhyrja në kohë e policisë ka parandaluar përshkallëzimin e situatës ndërsaështë përballur për disa minuta me rezistencën e agresorit por që në fund e ka ekzekutuar.

Policia ka qëlluar mbi autorin duke e lënë të vdekur në vend dhe sipas autoriteteve angleze burri i vrarë, emri dhe shtetësia e të cilit nuk është bërë i ditur kishte si synim që të vriste njerëz me anë të thikës që mbante në dorë.

Mediat angleze kanë publikuar edhe pamjet gjatë aksionit të policisë për të neutralizuar personin që kreu krimin teksa ky i fundit shihet i shtrirë në asfalt pa jetë.

Fotografitë nga vendi i ngjarjes treguan një numër automjetesh të shërbimeve të urgjencës në vendngjarje ndërsa përdoruesit e mediave sociale thanë që helikopterët po qarkullonin sipër. Policia e armatosur po ruante zonën pas ngjarjes.

*Material i përgatitur nga portali Fast News Albania. Ripublikimi mund të bëhet vetëm kundrejt citimit të autorësisë dhe burimit origjinal.