Walter Ricciardi, një specialist italian, pjesë e OBSH-së deklaroi nëpërmjet një konferencë për shtyp në Romë, se nuk ka nevojë për alarme të tepruara për koronavirusin. Ai ka sqaruar se shumica e personave të vdekur, rezultojnë me sëmundje të rënda kronike.

“Është e drejtë që të mos e nënvlerësojmë këtë epidemi, mirëpo nuk duhet të kalojmë në pak. Po ju shpjegoj disa numra që nuk e bëjnë koronavirusin kaq të tmerrshëm.

Në 100 persona të infektuar, 80 vetë shërohen spontanisht vetë, 15 kanë probleme serioze por krejtësisht të trajtueshme në ambjente spitalore, 5% kanë simptoma serioze.

Ndërsa jo më shumë se 3% vdesin. Dhe për më tëper duhet të sqarojmë se shumica e personave të vdekur rezultojnë me sëmundje të rënda kronike”, deklaroi Doktor Ricciardi.

Ai shton se 95% e pacienteve të prekur nga koronavirusi shërohen, dhe kjo është një e dhënë shumë shpresëdhënëse.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Referuar maskave të cilat tashmë po shiten në masë, ai ka një këshillë ndaj qytetarëve. Sipas tij, për personat të cilët nuk janë të infektuar, vendosja e maskës është e panevojshme.

“Në këtë fazë, maskat e mbrojtjes nuk i shërbejnë njërezve që janë të shëndoshë dhe të paprekur”, shtoi specialisti i OBSH-së.