Ditën e sotme do të mbahet në Bruksel “Konferenca e Donatorëve”, në kuadër të mbledhjes së fondeve për të prekurit nga tërmeti i 26 nëntorit në Shqipëri.
Pak orë përpara këtij eventi, ambasada britanike ka publikuar shifrën që Britania e Madhe do të dhurojë për Shqipërinë, që është 1 milion pound.
“Krah për krah me #Shqipërinë në këtë periudhë vështirësie, për të dhënë një ndihmë në tejkalimin e pasojave të tërmetit tragjik që goditi Vendin në nëntor. Qeveria e Britanisë ?? bën pjesën e saj në konferencën ndërkombëtare të donatorëve “Së bashku për Shqipërinë” që mbahet sot në #Bruksel me një donacion prej 1 milion £, një vazhdimësi konkrete e angazhimit tonë dhe mbështetjes së veprimtarive të rindërtimit, në mënyrë që qytetarët shqiptarë të mund t’i lënë pas krahëve të tilla ngjarje tragjike”, thuhet në njoftimin e ambasadës.
