Si u përhap me shpejtësi koronavirusi në Itali? Zbulohet gabimi në spitalin italian

Në  kohën që bota po përjeton një panik të madh nga koronavirusi, e njëjta gjë së fundmi po ndodh  dhe në Europë.

Kjo erdhi si pasojë e faktit që Italia është bërë tashmë vatra ku sëmundja po përhapet në këtë kontinent.

Kujtojmë që vetëm ditën e djeshme kryeministri italian Giuseppe Conte u shpreh se ishte një spital në Itali që nuk zbatoi procedurat e duhura që më pas solli edhe ngjarjet që pasuan, ku ndërruan jetë 11 persona dhe mbi 220 të tjerë janë të infektuar.

Nga ana tjetër dhe gazeta e njohur Corriere Della Sera bën me dije se gabimi në Itali ndodhi në spitalin e qytetit Codogno.

Mattia, që cilësohet dhe si “Pacienti 1”, është futur në dhomën e urgjencës për herë të dytë në orën 03:12 të 19 shkurtit.

Deri sa u kthye sërish në urgjencë kaluan 36 orë.

Ndërsa testimet u kryen në 4 të pasdites më 20 shkurt.

Mattian, 38-vjecar e vizituan familjarët, të afërm e miq, kështu që të gjithë morën kontakt me të.

Madje dhe infermierët, por dhe pacientë të tjerë.

Përse Mattia nuk iu nënshtrua testimit për koronavirus?

Sepse nuk ishte kthyer nga Kina.

udhëzimet e Ministrisë së Shëndetësisë thonë se çdo rast i dyshuar duhej trajtuar me përparësi. Pneumonia te një 38-vjeçar, i cili njihet si maratonomak dhe futbollist, duhej të ishte një rast për dyshim.

Mbrëmjen e 20 shkurtit, në orën 21:00, erdhi dhe konfirmimi.

Pacienti kishte koronavirus, situata në spital bëhet jo vetëm e komplikuar por dhe kaotike.

Kështu Matia, i quajtur dhe si ‘Pacienti 1’ futet në reanimacion, por infekton edhe dy anestezistët, që sipas protokollit duhej të ishin të mbrojtur.

Mjekët dhe infermierët e turnit kthehen në shtëpi me bindjen se duhet të nisin vetizolimin. Por jo, ata thirren sërish në punë.

Gjatë ditës vendoset se kush duhet të izolohet. Atëherë ishte tepër vonë.